SOETSUUR VARKNEKSTEAKS

 
Genoeg vir 8
Bereidingstyd: 25 minute
Gaarmaaktyd: 20 minute

Bestanddele:
15 ml olyfolie
8 varkneksteaks, drooggedruk
Gaar witrys vir voorsit
SOUS bestanddele:
1 ui, gekap
1 rooi of geel soetrissie in blokkies gesny
5 ml olyfolie
1 x 400 g-blik Pynappelstukke, gedreineer (behou die stroop)
2 tamaties, gekap
100 ml bruinsuiker
180 ml witwynasyn
5 ml sojasous (of na smaak)
10 ml mielieblom

1. Maak die sous: Braai die ui en soetrissie tot glansend in die olie. Voeg die pynappelstukke en tamatie by en braai saam. Voeg die suiker by en roer tot gesmelt. Roer die behoue pynappelstroop, die asyn en sojasous by en kook vir sowat 3 minute. Meng die mielieblom met 15 ml water tot ‘n pasta en klits by die sous. Kook tot verdik.
2. Verhit die olie. Geur die vark alkante met sout en peper. Panbraai tot goudbruin en deurgaar. Skep die vleis nou in die sous en verhit tot deurwarm. Sit voor met die rys.